பக்கத்தான்  ரக்யாட் கூட்டங்களில்  பாஸ்  தலைவர்  அப்துல் ஹாடி ஆவாங்  கலந்துகொள்ளாதிருப்பதும்  அதை  அற்ப  விவகாரம்  எனக்  கூறும்  அக்கட்சியின்  தலைமைச்  செயலாளர்  முஸ்தபா  அலியின்  அலட்சியப்போக்கும் ஏமாற்றமளிப்பதாக  டிஏபி  கூறுகிறது.

பக்கத்தானின்  தொடர்ச்சிக்கும்  தொடர்ந்து  இருப்பதற்கும்  அவசியமான  விவகாரங்களை  அற்பமானவை  என்று கூறித்  தட்டிக்கழிப்பது  எரிச்சலூட்டுகிறது  என  டிஏபி  நிறுவனச்  செயலாளர்  அந்தோனி  லொக்  கூறினார்.

ஹாடி  பாஸின்  தலைவர்  என்பதால்,  அவரின்  உதவியாளர்களை  வைத்துக்கொண்டு  பக்கத்தான்  கூட்டங்களில் தீர்மானங்களை  நிறைவேற்ற  இயலாது

“கூட்டங்களில்   ஏகமனதாக  எடுக்கப்படும்  முடிவுகளைத்  தாம்  கூட்டங்களுக்கு  வராததைக்  காரணம்  காட்டி  ஹாடி  மறுக்க  முடியும்  என்ற  நிலை இருந்தால் பக்கத்தானால்  எப்படிச்  செம்மையாக  செயல்பட  முடியும்?”, என்று  லொக்  வினவினார்.