டிஎபி தொடர்ந்து அழுத்தம் கொடுத்து வந்த போதிலும், பக்கத்தான் தலைமைத்துவ மன்றத்தின் கூட்டங்களில் கலந்து கொள்வது தம்மைப் பொறுத்தது என்று பாஸ் தலைவர் அப்துல் ஹாடி அவாங் கூறுகிறார்.

“நான் கேட்டுக்கொள்ளப்பட வேண்டியதில்லை. கலந்து கொள்ள விரும்பினால், நான் கலந்து கொள்வேன்”, என்று அவர் செய்தியாளர்களிடம் கூறினார்.

டிஎபியின் மத்திய செயற்குழு ஹாடி கூட்டணியின் கூட்டங்களில் கலந்து கொள்ள வேண்டும் என்று கோரும் தீர்மானத்தை நிறைவேற்றியிருப்பது பற்றி அவரிடம் கேட்டபோது, ஹாடி இவ்வாறு கூறினார்.

அடுத்து வரும் பக்கத்தான் தலைமைத்துவ மன்ற கூட்டத்தில் கலந்து கொள்வீரா என்று வினவிய போது, “கலந்து கொள்வதா இல்லையா என்பது என்னைப் பொறுத்தது”, என்று மட்டும் அவர் பதிலளித்தார்.

கடந்த ஞாயிற்றுக்கிழமை, டிஎபியின் லிம் பக்கத்தான் தலைமைத்துவ மன்ற கூட்டங்களை ஹாடி தவிர்ப்பது குறித்து குறைகூறியிருந்தார்.