பல  தலைமுறைகளாக லாடாங்  செகாம்புட்  கிராமத்தில்  வாழ்ந்து  வரும் குடியிருப்பாளர்கள்  இப்போது  அந்த  இடத்தை  விட்டு  வெளியேற  வேண்டிய  நிலைக்கு ஆளாகி இருக்கிறார்கள்.

அவர்கள் குடியிருக்கும்  இடத்தைக்  காலி  செய்யும்படி  இரண்டு  மேம்பாட்டு  நிறுவனங்கள்  நீதிமன்ற  உத்தரவைக்  கொடுத்துள்ளன.

கிராமத்  தலைவர்  எம்.எல்லையா,64,  அக்குடும்பங்கள்  1940-களிலிருந்து  அங்கிருந்து  வருவதாகக்  கூறினார்.

“என்  தந்தை இங்கு  வேலை  செய்தார். நான்  இங்குதான்  பிறந்தேன்,  வளர்ந்தேன்.

“இங்குள்ள  எல்லாருமே  ஒரு காலத்தில்  செமாந்தான்  தோட்டத்  தொழிலாளர்கள்  அல்லது  அவர்களின்  குடும்பத்தைச்  சேர்ந்தவர்கள்”, என்றாரவர்.

90  நாள்களுக்குள் இடத்தைக்  காலி  செய்யக்  கோரும்  நீதிமன்ற  உத்தரவு  செப்டம்பர்  8-இல்  கொடுக்கப்பட்டது  என்றும்  எல்லையா கூறினார். அந்தக்  காலக்  கெடு  நேற்றுடன்  முடிந்தது.

“34 ஆண்டுகளாக  நில  உரிமையாளர்கள்  முறையான  வீடுகளுக்கு ஏற்பாடு  செய்வார்கள் எனக்  காத்திருந்தோம். இப்போது  வீட்டை  விட்டு  விரட்டப்படுகிறோம்.  இது  நியாயமல்ல”, என்றாரவர்.