அனி அரோப்,82, இன்று காலை மணி 5.20க்குக் காலமானார்.
டிஎன்பி முன்னாள் தலைவரான அனி, இரண்டாண்டுக் காலமாக புரோஸ்டேட் புற்று நோய்க்காக சிகிச்சை பெற்று வந்தார்.
அவரது உடல் ஜாலான் பங்சார், டிஎன்பி பாலாய் இஸ்லாமில் பொதுமக்கள் இறுதி மரியாதை செய்வதற்காக வைக்கப்பட்டு பிற்பகல் ஒரு மணிக்குப் பிறகு ஷா ஆலம் பெர்குபுரான் இஸ்லாமில் அடக்கம் செய்யப்படும்.
1996-இல், டிஎன்பி தலைவராக இருந்தபோது அப்போதைய பிரதமர் டாக்டர் மகாதிர் முகம்மட்டுக்கு வேண்டிவர்களான தனியார் மின் உற்பத்தியாளர்களுடன்(ஐபிபி) ஒப்பந்தம் செய்துகொள்ள அனி மறுத்தார். அந்த ஒப்பந்தம் ஒருதலைப்பட்சமாக இருந்ததே காரணமாகும். அதில் கையொப்பமிடுவதில்லை என்பதில் உறுதியாக இருந்த அவர் கொண்ட கொள்கைக்காக பதவியையும் துறந்தார்.
அந்த ஒப்பந்தத்தின்படி டிஎன்பி, ஐபிபி-களிடமிருந்து கூடுதல் விலை கொடுத்து மின்சாரம் வாங்க வேண்டிய கட்டாயத்துக்கு உள்ளானது.
மகாதீரை எதிர்த்தால் அன்வாருக்கு ஏற்பட்ட கதிதான் என்பது அனைவருக்கும் தெரியும். நல்லவேளை அனி அரோப் அரசியலில் இல்லை. அதனால் தப்பித்தார். அன்னாரின் குடும்பத்திற்கு நமது ஆழ்ந்த அனுதாபங்கள்.
இவர் 80 களில் அம்பாங்கில் RRI எனும் ரப்பர் ஆய்வு கழகத்திலும் தலைவராக இருந்தார் என்பதை மறக்க முடியாது. தமிழர்களுக்கு வேலை நிமித்தம் நன்கு உதவியவர், இவருக்கு பிறகுதான் தன் ஸ்ரீ சேகர் வந்தார். அவரின் ஆத்மா சாந்தியடைய RRI இந்தியர்கள் சார்பில்
பிரார்த்திப்போம்.
கொள்கையுடன் வாழ்ந்த மனிதர். ஆழ்ந்த அனுதாபங்கள்
50 மேற்ப்பட்ட அனாதை குழந்தைகளை பராமரித்து படிக்க வைத்து பலரை பாட்டதாரி ஆக்கியவர். மாலை வேளைகளில் அரை கால் சிலுவாருடன் கையில் ஊன்றுகோலுடன் சாதாரண மக்களுடன் சாலைகளில் நடந்து உடற் பயிற்சி செய்வார் தன்னை யார் என்று காட்டி கொள்ளாத பகலில் விளக்கு ஏந்தி மனிதர்களை தேடும் நல்ல மனிதர்.நான் இடை நிலை பள்ளி படித்த போது தோட்ட வேலை செய்த போது எனக்கு துடைப்பம் பிடித்து ரப்பர் இலைகளை கூட்ட கற்று கொடுத்தவர். இதுவரை மலாய் இனத்தவர்களில் நான் காணாத மனிதம் மனம் படைத்தவர். இஸ்லாம் என்றால் என்னவென்று இவரிடம் இஸ்லாதவர்கள் பிற மதத்தவர்கள் பாடம் படிக்க வேண்டும். உயரத்தில் கட்டயர்தான் அனால் எண்ணத்தில் நேயத்தில் உயர்ந்தவர்.
ஆழ்ந்த அனுதாபங்கள்