நாட்டில்  வெள்ளப்  பெருக்கு  மோசமான  வேளையில்  அமெரிக்காவில்  விடுமுறையைக்  கழித்துக்  கொண்டிருந்ததற்காகக்  கடுமையான  குறைகூறலுக்கு  ஆளான  பிரதமர்  நஜிப்  அப்துல்  ரசாக்,  விடுமுறையைக்  கழிப்பதற்கு  வெளிநாடு  சென்றுள்ள  எல்லா  அமைச்சர்களையும் உடனே  நாடு  திரும்புமாறு  பணித்துள்ளார்.

நஜிப்,  இன்று  காலை  அவ்வுத்தரவைப்  பிறப்பித்ததாக  பெர்னாமா  கூறியது. உத்தரவு  கிடைக்கப்பெற்ற  அமைச்சர்கள்  நாடு  திரும்ப  ஆயத்தம்  செய்து  கொண்டிருப்பதாக அறிவிக்கப்பட்டுள்ளது.

“அவர்கள்  இங்கிருந்தால்  வெள்ள  மீட்பு  மற்றும் துயர்த்துடைப்புப்  பணிகளிலும்  உதவ  முடியும்”,என  நஜிப்  செய்தியாளர்களிடம்  தெரிவித்தார்.

அவர்  இன்று   பகாங்கில் வெள்ளத்தால்  பாதிக்கப்பட்ட  இடங்களைப் பார்வையிட்டார்.