கட்சியின் தேர்தல் முறைகேடுகள் சம்பந்தமாக  சங்கங்கள் பதிவகம் ம இகாவின் பதிவை ரத்து செய்வதற்கு தாம் அனுமதிக்கப் போவதில்லை என்று கட்சியின் தலைவர் ஜி. பழனிவேலு உறுதியளித்தார்.

பழனிவேலு கட்சியின் பதிவு ரத்து செய்யப்படுவதை விரும்புகிறார் என்று எழுந்த ஏராளமான குற்றச்சாட்டுகளைத் தொடர்ந்து, அவற்றில் கட்சியின் முன்னாள் பொருளாளர் ஆர். ரமணனின் குற்றச்சாடும் அடங்கும்,  அவர் இன்று வெளியிட்ட ஓர் அறிக்கையில் தாம் கட்சி இழுத்து மூடப்படுவதை நான் நாடவில்லை என்று கூறுகிறார்.

“கட்சியின் பதிவு எதற்காகவும் ரத்து செய்யப்படுவதை நாங்கள் அனுமதிக்க மாட்டோம் என்று அனைவருக்கு உறுதியளிக்கிறேன்”, என்றாரவர்.

“நமது வழக்குரைஞர்கள் அனைத்து பிரச்சனைகளையும் கவனித்து வருகின்றனர். அவர்கள் அடுத்த நடவடிக்கை குறித்து ஆலோசனை வழங்குவார்கள். இதற்கு மேல் நான் எதுவும் கூற விரும்பவில்லை ஏனென்றால் அது மஇகாவின் உரிமைகளைப் பாதிக்கக்கூடும்”, என்று பழனிவேலு கூறினார்.

“இதனிடையே,  மஇகாவின் உரிமைகளுக்குப் பங்கம் ஏற்படாதவகையில் நாங்கள் ஆர்ஒஎஸ்க்கு  கூடுதல் நேரம் கோரி ஜனவரி 2 இல் ஒரு கடிதம் அனுப்பியுள்ளோம்”, என்று அவர் மேலும் கூறினார்.