கட்சித்  தலைவர்  ஜி.பழனிவேல்  ஒப்புதல்  கொடுத்தாலும்  கொடுக்காவிட்டாலும்   15  உச்சமன்ற  உறுப்பினர்களைக்  கொண்டு  மறுதேர்தல்  நடத்துவதற்காக  சிறப்புக்  குழு  ஒன்றை  அமைக்கப்போவதாக  உதவித்  தலைவர்  எம். சரவணன்  கூறியுள்ளார்.

“ஒரு  சிறப்புக்  குழுவை அமைத்து  மறுதேர்தலை  நடத்தும்படி  ஆர்ஓஎஸ் (சங்கப் பதிவகம்) பரிந்துரைத்துள்ளது.  இதைத்  தலைவரிடம்  எடுத்துச்  சொல்வேன்.

“மஇகா-வில்  15 உச்சமன்ற  உறுப்பினர்களின்  ஒப்புதலுடன்  நடத்த முடியும்”, என இன்று  புத்ரா  ஜெயாவில்  ஆர்ஓஎஸ்  அதிகாரிகளைச்  சந்தித்த  பின்னர்  சரவணன்  செய்தியாளர்களிடம்  தெரிவித்தார்.

“கட்சிக்காக  அவரை  நான்  சந்திக்க   வேண்டும். மஇகா  அலுவலகத்தில்  சந்திக்க  முடியவில்லை என்றால்,  வேறு  வழியில்லை,  அவரின்  வீட்டுக்கு வெளியில்  ஒன்றிரண்டு  நாள்  காத்திருக்க  வேண்டியதுதான்”, என்றாரவர்.

பழனிவேல்  தம்மைச்  சந்திக்க தொடர்ந்து  மறுத்து  வந்தால் 40  தொகுதித்  தலைவர்களையும்  அழைத்துச்   சிறப்புக்  கூட்டம்  நடத்தப்போவதாகவும்  சரவணன்  கூறினார்.