முஸ்லிமாக  மதம்  மாறிய  இஸ்வான்  அப்துல்லா  தம்  மகனை  அவரின்  தாயார்  தீபா  சுப்பிரமணியம்  சந்திப்பதற்காக  நீதிமன்றத்துக்கு  அழைத்துவர  வேண்டும்  என்று  நீதிமன்றம்  அளித்த  தீர்ப்பை  மஇகா  இளைஞர்  பிரிவு  வரவேற்றது.

நீதிமன்றத்தின்  தீர்ப்பு மதிக்கப்பட  வேண்டும். அது செயல்படுத்துவதை  அதிகாரிகள்  உறுதிப்படுத்த  வேண்டும்  இல்லையேல்  அது  பொருளற்றதாகிவிடும்  என்று  மஇகா  இளைஞர்  தலைவர்  சி.சிவராஜ்  கூறினார்.

“போலீஸ்  சட்டத்தைச்  செயல்படுத்தி  தீபாவிடம்  அவரின்  மகன்  ஒப்படைக்கப்படுவதை  உறுதிப்படுத்த  வேண்டும்”, என்றவர்  ஓர்  அறிக்கையில்  வலியுறுத்தினார்.