உள்துறை  அமைச்சர்  ஜாஹிட்  ஹமிடி  14கே இரகசிய  கும்பல்  உறுப்பினர்  என்று  சந்தேகிக்கபப்டும்  ஒருவருக்கு  நற்சான்று  கடிதம்  ஒன்றை அமெரிக்கப்  புலனாய்வுத்  துறை(எப்பிஐ)க்கு  அனுப்பி  வைத்தது  பற்றிக்  கருத்துரைக்க  சட்டத்துறைத்  தலைவர்  அப்துல்  கனி  பட்டேய்ல்  மறுத்தார்.

இன்று, புத்ரா  ஜெயாவில். நீதிபதிகள்,  வழக்குரைஞர்கள்,  நீதித்துறை அதிகாரிகள்  கலந்துகொண்ட  2015  சட்ட  ஆண்டு  என்னும்  நிகழ்வில்  செய்தியாளர்கள்  கனியிடம்  அவ்விவகாரம்  பற்றி  வினவியதற்கு  அவர்  அதற்குப்  பதிலளிப்பதைத்  தவிர்த்தார்.

“இன்று  எதுவும்  சொல்ல  மாட்டேன். இன்று  நீதிமன்ற  விவகாரங்கள்  பற்றி  மட்டுமே விவாதிக்கலாம்.

“அடுத்த  முறை பதிலளிப்பேன்”, என  மலேசியாகினியிடம்  அவர்  கூறினார்.