தப்பியோடிய  கொலையாளியும்  போலீஸ்  அதிரடிப் படைப்பிரிவின்  முன்னாள்  உறுப்பினருமான  சிருல்  அஸ்ஹார்  உமர்  எங்கிருந்தாலும்  போலீஸ்  அவரைத்  தேடிப்  பிடிக்கும்  என்று  போலீஸ்  படைத்  தலைவர் (ஐஜிபி) காலிட்  அபு  பக்கார்  கூறினார்.

சிருல், இதற்குமுன்  விடுவிக்கப்பட்டபோது  அதை  வாய்ப்பாகப்  பயன்படுத்திக்கொண்டு  நாட்டை  விட்டுத்  தப்பியோடி  விட்டாரா  என்பதையும்  போலீசார்  ஆராய்வர்  என  காலிட்  மலேசியாகினிக்கு  அனுப்பிய  குறுஞ்செய்தியில்  கூறினார்.

“நீதிமன்றமும் பிடி ஆணை  வெளியிட்டிருப்பதால்  அவரைத்  தேடிப்  பிடிப்போம். வெளிநாட்டில்  உள்ள  எங்கள்  சகாக்களுக்கும்  தகவல்  தெரிவிப்போம்”, என்றாரவர்.