ஈராண்டுகளுக்குமுன் லாஹாட் டத்துவில் ஊடுருவல் நிகழப்போவதாக மக்களிடையே அச்சத்தைப் பரப்பியதற்காக பக்கத்தான் ரக்யாட் ஆதரவாளரும் ‘மிலோசுவாம்’ என்ற பெயரில் பிரபலமாக விளங்கும் பதிவாளருமான யூசுப் அல்-சித்திக்குக்கு ஈராண்டுச் சிறைத் தண்டனை விதிக்கப்பட்டது.
இரகசிய ஆவணம் என்று கூறி, போலீசார் சாபா ஊடுவருலை எதிர்கொள்ள ஆயத்தமாகி வருகிறார்கள் என்று கூறும் ஆவணத்தைப் பதிவிட்டதற்காக குற்றவியல் சட்டம் 505 பிரிவின்கீழ் 2013 ஜூனில் அவர்மீது குற்றம் சாட்டப்பட்டது.
அக்குற்றத்துக்காக அவருக்கு அச்சட்டத்தின்கீழ் கூடின பட்ச தண்டனை விதிக்கப்பட்டுள்ளது. ஆனால், அவர் மேல்முறையீடு செய்வதற்கு வாய்ப்பளித்து தண்டனை நிறைவேற்றம் நிறுத்தி வைக்கப்பட்டுள்ளது.
