ஆறாண்டுகளுக்கு  முன்பு  மெழுகுதிரி  போராட்டம்  நடத்திய  14 பேருக்குச்  சட்ட  உதவி  வழங்க  முன்வந்த  ஐந்து  வழக்குரைஞர்கள்  கைது  செய்யப்பட்டது  சட்டவிரோதமானது  என  உயர்  நிதிமன்றம்  வழங்கிய  தீர்ப்புக்கெதிராக  போலீசும்  அரசாங்கமும்  செய்திருந்த  மேல்முறையீட்டை  முறையீட்டு  நீதிமன்றம் இன்று  தள்ளுபடி  செய்தது.

நீதிபதி  ஸஹாரா  இப்ராகிம்  தலைமையில்  மேல்முறையீட்டை  விசாரித்த  மூவரடங்கிய  நீதிபதிகள்  குழு , கோலாலும்பூர்  உயர்  நீதிமன்றம்  ஐந்து  வழக்குரைஞர்களுக்கும்  வழங்கிய  இழப்பீட்டையும்  நிலைநிறுத்தியது.

நீதிபதி  ஸஹாராவுடன்  நீதிபதிகள்  வர்கீஸ்  ஜார்ஜ்  வர்கீஸ், பிரசாத் சந்தோஷம்  எப்ராஹம்  ஆகியோரும் அம்முறையீட்டை  விசாரித்தனர்.

வழக்கில்  சம்பந்தப்பட்ட ஐந்து  வழக்குரைஞர்கள்  ஃபாட்யா  நத்வா  பிக்ரி,  முரினி  ஹிதயா  அனுவார், புஸ்பவதி  ரோஸ்மான்,  ஷயினி  சப்வான்,  ரவீந்தர்  சிங்  டாலிவால்  ஆகியோராவர்.