அரசியல்  கேலிச்சித்திரக்காரர்  ஸுனாரை  மலேசியாவின்  சிறந்த  படைப்பாளி  எனப்  போற்றி  பாராட்ட  வேண்டுமே  தவிர  அவரின்  கருத்துச்சொல்லும்  உரிமையைக்  கட்டுப்படுத்தக்கூடாது.

உலகக்  கேலிச்சித்திர  அமைப்பு  ஒன்று,  பிரதமர்  நஜிப்  அப்துல்  ரசாக்குக்கு  இவ்வாறு  வேண்டுகோள்  விடுத்துள்ளது.

ஜனவரி  31-இல்,  நஜிப்புக்கு  எழுதிய  கடிதமொன்றில்  Cartoonists Rights Network International (சிஆர்என்ஐ) எனும்  அமைப்பு, ஸுனாரின்  அலுவலகத்தைச்  சோதனையிடுவது  அவர்மீது  வழக்குத்  தொடுப்பது  போன்றவற்றை  விடுத்து  உலகப்புகழ்  பெற்ற  அவரின்  படைப்புகளைப்  பாராட்ட  வேண்டும்  என்று   வலியுறுத்தியது.

“மலேசியாவின்  முக்கியமான  மைந்தனைச்  சட்டவிரோதமாக  நடத்துவதற்கு  சிஆர்என்ஐ  கடும்  கண்டனம்  தெரிவிக்கிறது”, என  அதன்  நிர்வாக  இயக்குனர்  ரோபர்ட்  ரஸ்ஸல்  குறிப்பிட்டார். .

மலேசிய  அரசமைப்பு  வழங்கும்  கருத்துச் சொல்லும்  உரிமை  ஸுனாருக்குக்  கிடைக்க  பிரதமர்  உதவ  வேண்டும்  என்றும்  அவர்  கேட்டுக்கொண்டார்.