பக்கத்தான்  ரக்யாட்  தலைவர்  அன்வார்  இப்ராகிம்,  அடுத்த  செவ்வாய்க்கிழமை  தம்  வழக்கில்  தீர்ப்பு எப்படி  வேண்டுமானாலும்  அமையலாம் ஆனாலும்,  தாம்  இருந்தாலும்  இல்லாவிட்டாலும்  ஆட்டம்  தொடர  வேண்டும்  என்பதைத் தம்  ஆதரவாளர்கள்  உணர  வேண்டும்  என  அழுத்தம்  திருத்தமாக வலியுறுத்தியுள்ளார்.

இன்று  செய்தியாளர்  கூட்டமொன்றில்( கூட்டரசு  நீதிமன்றத்  தீர்ப்புக்குமுன்  நடக்கும்  கடைசிக் கூட்டமாகக்கூட  இருக்கலாம்) பேசிய  அன்வார்  அரசியலில்  “தவிர்க்கமுடியாதவர்”  என்று  எவருமில்லை  என்றார்.

அதைவிட  முக்கியமானது,  மக்கள்  பக்கத்தானை  ஒரு  இயக்கமாக,   நன்கு  நிறுவப்பட்ட  கொள்கைகளைக்  கொண்ட  கட்சிகளின்  கூட்டணியாகப்  பார்க்க  வேண்டும்  என்றார்.

“அந்தக்  கருத்து  ஏற்றுக்கொள்ளப்பட்டால் பக்கத்தானுக்கு  எவர்  தொடர்ந்து  தலைவராக  இருப்பது என்ற  விவகாரத்துக்கு  அமைதியாக  தீர்வு  காண  முடியும்”, என்றார்.