அரசாங்கச் சேவையில் ஊழலை ஒழிக்க அரசாங்க அதிகாரிகளிடையே நிகழும் ஒழுக்கக்கேடுகளைக் குற்றச்செயல்களாக்க வேண்டும் என்கிறது மலேசிய ஊழல்-தடுப்பு ஆணையம்(எம்ஏசிசி).
அப்படிச் செய்வது தலைமைக் கணக்காய்வாளர் அறிக்கை சுட்டிக்காட்டுவது போல், அரசாங்கச் செலவுகளில் ஏற்படும் தேவையற்ற இழப்புகளையும் சேதாரத்தையும் தடுக்கும் என எம்ஏசிசி-இன் நடவடிக்கை மீளாய்வு வாரிய(ஓபிஆர்) தலைவர் ஹடினான் அப்துல் ஜலில் தெரிவித்தார்.
“அது சுட்டிக்காட்டும் விவகாரங்களில் பெரும்பாலானவை ஊழல் என்று சொல்ல முடியாவை. அவை நிர்வாக முறைகளிலும் நடைமுறைகளிலும் உள்ள பலவீனங்கள். அவை ஊழல் நிகழ்வதற்கு இடமளித்து விடுகின்றன”, என ஹடினான் ஓர் அறிக்கையில் கூறினார்.
2009 எம்ஏசிசி சட்டத்தில் இதற்கான திருத்தங்களைச் செய்ய வேண்டும் என ஓஆர்பி வலியுறுத்தியது.
அட நீங்க ஒன்னு. தெரிந்தே குற்றம் செய்பவரிடம் போய் உம் குற்றத்திற்கு சட்டம் இயற்று என்று சொன்னால் செய்வானா?. உப்பு ஊருக்காயிக்கு உதவாத பேச்சு. வேற வேலை இருந்தால் பாருங்கள்.
தெரிந்தே கொள்ளை அடிப்பது நிர்வாகத்தில் ஏற்ப்படும் பலவீனமா?? நாடு பின்னிறக்கம் காண்பது வெகு தொலைவிழும் இல்லை, குட்ட குட்ட குனியும் காலமும் குனிய குனிய கொட்டும் காலமும் மாறி வரும் காலமும் வெகு தொலைவில் இல்லை….