மார்ச்  9  நாடாளுமன்றக்  கூட்டத்  தொடரின்  தொடக்க விழாவில்  கலந்துகொள்ள அன்வார்  இப்ராகிமுக்கு  அனுமதி  மறுக்கப்பட்டாலும்   பேரரசரின்  அரச  உரைக்கு எதிரணித்  தலைவர்  என்ற  முறையில்  அவர்   நன்றி  தெரிவிக்கும்  அதிகாரப்பூர்வ  உரை  மக்களவையில்  ஒலிக்கவே  செய்யும்.

அன்வாரின்  மகள்  நுருல்  இஸ்ஸா  அன்வார்  இதை  உறுதிப்படுத்தினார்.

பிகேஆர்  அதன்  எம்பிகளில்  ஒருவரை  அன்வார்  சார்பில்  உரையாற்ற  நியமிக்கும்  என  மலேசியாகினிக்குத்  தெரிய  வருகிறது.  அன்வாரின்  மூத்த  மகள்  நுருல் இஸ்ஸாவே  அதை  வாசிக்கலாம்.

நாடாளுமன்றத்தில்  எதிரணித்  தலைவரின்  உரை இடம்பெறாது  போகக்  கூடாது  என்பதால்  டிஏபி-யும்  இந்த  ஏற்பாட்டுக்கு  உடன்படுவதாக  அதன்  தேசிய  ஏற்பாட்டுக்குழுச்  செயலாளர்  அந்தனி  லோக்  கூறினார்.