தீவகற்ப  மலேசியாவில்  கடந்த  ஆண்டு  ஏற்பட்ட  வெள்ளத்தை  அடுத்து  வெள்ள  நிவாரணப்  பணிகளுக்காக  ஒதுக்கப்பட்ட  ரிம800 மில்லியனில்  ரிம462 மில்லியன்  எப்படிச்  செலவிடப்பட்டது  என்பதை  அரசாங்கம்  விளக்க  வேண்டும்  என  டிஏபி  கேட்டுக்  கொண்டிருக்கிறது.

இதுவரை ரிம338 மில்லியனுக்கு  மட்டும்தான்  அரசாங்கம்  கணக்குக்  கொடுத்திருக்கிறது  என  அக்கட்சியின்  சிரம்பான்  எம்பி  அந்தோனி  லோக்  கூறினார்.

நிதி  துணை  அமைச்சர்  அஹ்மட்  மஸ்லான்  நாடாளுமன்றத்தில்  தம்  கேள்விக்கு  எழுத்துப்  பூர்வமாக  அளித்த பதிலில்  மீதமுள்ள  ரிம462 மில்லியனுக்கான  திட்டங்கள் பற்றி  எதையும்  குறிப்பிடவில்லை  என்றாரவர்.

“கணக்குக்  காட்ட  வேண்டிய  பொறுப்பு  அவர்களுடையது. ஒதுக்கப்பட்ட  பணம்  வெள்ளத்தால்  பாதிக்கப்பட்டோரைச் சென்றடைந்ததா?”, என்று  லோக்  நாடாளுமன்ற  வளாகத்தில்  செய்தியாளர்களிடம்  பேசியபோது  வினவினார்.