அன்வார்  இப்ராகிமின்  மூத்த மகள்  நூருல்  இஸ்ஸாவை விடுதலை  செய்த  போலீசார்  அடுத்து  அவரின்  தங்கை  நூருல்  நூஹாவை  விசாரணைக்கு  அழைத்திருக்கிறார்கள்.

இன்று  டாங்  வாங்கி  போலீஸ்  நிலையம்  சென்றிருந்தபோது  தம்மை  அணுகிய  போலீசார்  தம்மிடம்  வாக்குமூலம்  பதிவுசெய்ய  விரும்புவதாக  தெரிவித்தனர்  என  நூருல்  நூஹா  மலேசியாகினியிடம்  கூறினார்.

“எப்போது  போலீஸ்  நிலையம்  வர  வேண்டும்  என்பதை (என் வழக்குரைஞரிடம்)த்  தெரிவிப்பதாக  சொன்னார்கள்”, என்றாரவர்.

மார்ச்  7  கித்தா  லவான்  பேரணி  தொடர்பாக  போலீசார்  தம்மை  விசாரிக்க  விரும்புவதாக அவர்  கூறினார். மேல்விவரம்  எதுவும்  அவரிடம்  தெரிவிக்கப்படவில்லை.

அன்வாரை  விடுவிக்கக்  கோரி  சனிக்கிழமை  தோறும்  நடக்கும்  பேரணிகளில்  நூருல்  நூஹா  தவறாமல்  கலந்துகொண்டு  வந்திருக்கிறார்.