மங்கோலிய பெண் அல்தான்துயா கொலை நடந்து எட்டு ஆண்டுகளாகி விட்டன. முன்னாள் பிரதமர் மகாதிர் முகமட் ஏன் அது குறித்து கேள்வி எழுப்பிக் கொண்டிருக்கிறார் என்று பிரதமர் நஜிப் திருப்பிக் கேட்கிறார்.

ஏன் செல்வாக்குமிக்க சில தனிப்பட்டவர்கள் தம்மை சிக்கவைப்பதற்காக இந்த வழக்கிற்கு புத்துயிர் அளிக்கின்றனர் என்று நஜிப் வினவினார்.

“(நஜிப் அதில் சம்பந்தப்பட்டுள்ளார் என்ற குற்றச்சாட்டுகளை) அவர்கள் உண்மை என்று நம்பினால், எட்டு ஆண்டுகளுக்கு முன்பு அப்பிரச்சனை எழுந்த போது ஏன் அவர்கள் அதனைக் கேட்கவில்லை? ஏன் இப்போது?”, என்று நஜிப் கேட்டார்.

அவ்வழக்கை அரசாங்கம் மீண்டும் விசாரிக்க வேண்டும் என்பதில் நியாயமில்லை. நீதித்துறை நடவடிக்கைகள் முடிவுற்று விட்டன என்று அவர் மேலும் கூறினார்.

“நான் சம்பந்தப்படவில்லை. அது பற்றி எனக்கு எதுவும் தெரியாது. அக்கொலையில் யார் குற்றவாளி என்பதை நீதிமன்றம் தீர்மானித்து விட்டது. அடத்துடன் அக்கதை முடிவுக்கு வர வேண்டும்”, என்றாரவர்.