பொதுத்  தேர்தலின்போது  பாஸ்  அதன்  தீவிரவாதப்  போக்கை மாற்றிக் கொள்ள  முயற்சி  செய்யும்  என்பதால்  அந்த  இஸ்லாமியக் கட்சியும்  டிஏபியும்  கருத்துவேறுபாடுகளை   மறந்து  ஒத்துழைக்கும்  சாத்தியம்  உண்டு  என்கிறார்  அரசியல்  ஆய்வாளர்  லோ  சீ  சோங்.

“அடுத்த  வாரம்  கட்சித்  தேர்தல்கள்  என்பதால்  பாஸ் பழமைப்  போக்கை  விடாமல்  பிடித்துக் கொண்டிருக்கிறது.

“அதன்பின்  அது வாக்காளர்களைச்  சந்திக்க நேரும். அப்போது  முஸ்லிம்- அல்லாத  வாக்காளர்களை- குறிப்பாக  சிலாங்கூர்,  பேராக், ஜோகூர்  ஆகிய  மாநிலங்களில் உள்ளவர்களைக்  கவர  அது  மிதவாதப்  போக்கைக்  கடைப்பிடிக்க  வேண்டியிருக்கும்”. நேற்றிரவு  ‘தியானான்மென் சதுக்க  படுகொலை’  நினைவாக  நடைபெற்ற  ஒரு  கருத்தரங்கில்  லோ  இவ்வாறு  குறிப்ப்பிட்டார்.

இரு கட்சிகளும்  தங்களுக்கிடையிலான  கருத்துவேறுபாடுகளைப்  போக்கிக்கொண்டு  ஒத்துழைத்தாலும்  பாஸ் தலைவர்  அப்துல்  ஹாடி  ஆவாங்கும்  டிஏபி  தலைமைச்  செயலாளர்  லிம்  குவான்  எங்-கும் சர்ச்சையை  மறந்து  ஒன்றுசேர்வது  கடினம்  என்றும்  லோ  கூறினார்.