உள்நாட்டு  வாணிக, பயனீட்டாளர்  விவகார  அமைச்சர்  ஹசன்  மலேக், ஷா ஆலம்  குடியிருப்புப் பகுதியில்  அதிகாரிகள்  நடத்திய  அதிரடிச்  சோதனை  இனவாத  நோக்கத்துடன்  மேற்கொள்ளப்பட்டதாகக்  கூறப்படுவதை  மறுக்கிறார்.

அமைச்சு  வேண்டுமென்றே  மலாய்க்காரர்கள்  நிறைய  வசிக்கும்  அப்பகுதியைத்  தேர்ந்தெடுத்து  போலிப்  பொருள்களையும் ஜிஎஸ்டி-மீறல்களையும்  கண்டுபிடிப்பதற்கான  அந்த  அதிரடிச்  சோதனையை  நடத்தியுள்ளது  என இணையத்தளத்தில்  குறைகூறப்பட்டிருப்பதற்கு  ஹசன்  இவ்வாறு பதிலளித்தார்.

இப்படிப்பட்ட  நடவடிக்கைகள்  இனவேறுபாடின்றி எல்லா  இடங்களிலும்  நடப்பதாக  அவர்  சொன்னார்.

“பெட்டாலிங்  ஸ்ட்ரீட்டில் (சீனர்களைக்  கொண்ட  பகுதி) நான்கு  தடவை  அதிரடிச்  சோதனைகளை  நடத்தியுள்ளோம். ஊடகங்களில்  அச்செய்தி  வரவில்லை”, என்றவர்  செய்தியாளர்களிடம்  தெரிவித்தார்.

ஷா ஆலம்  சோதனைக்குமுன்  இந்தியர்கள்  அதிகம்  வாழும்  பிரிக்பீல்ட்ஸ்  பகுதியிலும்  அமைச்சு  அதிரடிச்  சோதனைகளை  நடத்தியது  என  அமைச்சர்  கூறினார்.