பாஸ்  ஆன்மிகத்  தலைவர்  ஹாரோன்  டின், அதிருப்தி  கொண்ட  முற்போக்காளர்கள்  கட்சியிலிருந்து  பிரிந்து  செல்வது “பகைவர்களுக்குத்தான்”  நன்மையாக  அமையும்  என்று  எச்சரித்தார். ஆனால்,  பகைவர்கள்  யார்  என்பதை  அவர்  குறிப்பிடவில்லை.

ஜி18  என்று  அழைக்கப்படும்  தரப்பினர்  பாஸிலிருந்து  விலகிச்  சென்றால்  முடிவில்  அழிந்தொழிவார்கள்  என்றவர்  எச்சரித்ததாக  த  ஸ்டார்  கூறியது.

“ஆடுகள் கூட்டமாக  இருக்கும்வரைதான்  அவற்றுக்குப்  பாதுகாப்பு. ஆனால், கூட்டத்தைவிட்டு  விலகிச் செல்லும்  ஆடுகள்  ஓநாய்களால்  அடித்துக்கொல்லப்படும்”, என்றவர்  கூறினாராம்.

“தனித்தனி  வழிகளில்  செல்லுவதால் அவர்கள்  கட்சியில்  பிளவை  உண்டுபண்ணுவதுடன்  இஸ்லாமிய   இயக்கத்தையும்  பல்வீனப்படுத்தி  விடுகிறார்கள்.

“அவர்களின்  செயல்  எதிரிகளுக்குத்தான்  நன்மையாக  முடியும்”, என்று  ஹாரோன்  டின்  கூறியதாக  த  ஸ்டார்  தெரிவித்தது.