தற்காப்பு  அமைச்சர்  ஹிஷாமுடின்  உசேனிடம்  விரைவில்  அமைச்சரவை  மாற்றம்  ஏற்படுமா  என்று  கேட்கப்பட்டதற்குத்  திட்டவட்டமாக  எதுவும்  சொல்ல  மறுத்து  பிரதமர்  நஜிப் அப்துல்  ரசாக்குக்கு  மட்டுமே  அது  வெளிச்சம்  என்றார்.

“பிரதமர்தான்  அமைச்சரவையைத்  தீர்மானிக்கிறார். நீங்கள்  இப்போது  பேசிக்  கொண்டிருப்பது  பிரதமரிடம்  அல்ல.

“அமைச்சரவை  மாற்றி  அமைக்கப்படுமா அல்லது  பழனிவேல்  (நீக்கப்படுவாரா) இதையெல்லாம்  நஜிப்பிடம் கேட்பதுதான்  நல்லது”, என  ஹிஷாமுடின்  கோலாலும்பூரில்  செய்தியாளர்களிடம்  கூறினார்.

ஒரு  மாதத்துக்குமுன்  இதே  கேள்வியை  அவரிடம்  கேட்டபோது  அது  ஒரு  வதந்தி  அதை  நம்ப  வேண்டாம்  என்று  அடித்துப்  பேசிய  ஹிஷாமுடின்தான்  இன்று  இப்படிச்  சொன்னார்.