லவ்  யாட்  பிளாசாவில்  கைபேசியைத்  திருடிய  இளைஞனுக்கு  உடந்தையாக  இருந்தவனைப்  போலீஸ்  பொறுப்பு-அதிகாரி  விடுவித்தார்  என்பதை  போலீஸ்  படைத்  தலைவர்  காலிட்  அபு  பக்கார்  ஒப்புக்கொண்டார்.

மேலதிகாரிகளிடம்  ஆலோசனை  கலக்காமல்  அவ் வதிகாரி    அந்த  இளைஞனை  விடுவித்து  விட்டார்  என  காலிட்  கூறினார்.

அதற்காக  அவர்மீது  நடவடிக்கை  எடுக்கப்படும்.

உடந்தையாக  இருந்தவனை  விடுவிப்பது  குற்றமா  என  வினவியதற்கு, “ஒரு  வகையில் குற்றமே”, என்றார்.

அவர்  மேலதிகாரிகளிடம் ஆலோசனை  கேட்டிருக்க  வேண்டும்  என்றாரவர்.

விடுவிகக்ப்பட்ட  இளைஞன்  தன் நண்பனை  லவ்  யாட்  மாலில்  உள்ள  ஒரு  கடைக்காரர்  ஏமாற்றி  விட்டார்  எனப்  பொய்யான  தகவலைப்  பரப்பத்  தொடங்கினான்  என  காலிட்  கூறினார்.

அதன்  விளைவாக  அவனுக்கும்  அவன்  நண்பர்களுக்கும் கடைக்காரர்களுக்குமிடையே  கைகலப்பு  மூண்டது.  அதன் காரணமாக  நேற்றிரவு  மீண்டும்  ஒரு  சச்சரவு  மூண்டது.