ஒரு சிறப்பு நாடாளுமன்ற கூட்டத்தை கூட்டி பொதுக்கணக்குக் குழு (பிஎசி) தலைவரை நியமிக்க வேண்டும் என்று கூறப்பட்டுள்ள ஆலோசனையை அம்னோ துணைத் தலைவர் ஹிசாமுடின் ஆதரிக்கிறார்.

இவ்வாறு செய்வதன் மூலம் பிஎசி 1எம்டிபி மீதான விசாரணையைத் தொடங்கலாம். இல்லையென்றால் அக்குழுவில் ஏற்பட்டிருக்கும் காலியிடத்தை நிரப்ப அடுத்த வழக்கமான நாடாளுமன்ற தொடர் கூட்டம் அக்டோபரில் தொடங்கும் வரையில் காத்திருக்க வேண்டும் என்றாரவர்.

இந்த விவகாரம் மீதான விசாரணை தடைபடுவதை தாம் விரும்பவில்லை என்று கூறிய ஹிசாம், இது இழுத்துக் கொண்டே போனால் அது இன்னும் அதிகமான வதந்திகளை உண்டாக்கும் என்று பாண்டான் அம்னோ தொகுதி பேராளர்கள் கூட்டத்தை தொடக்கி வைத்த பின்னர் செய்தியாளர்களிடம் பேசிய போது கூறினார்.