மலேசியா  இன்று அடைந்துள்ள  வெற்றியைக்  காண  டாக்டர்  மகாதிருக்குப்  பொறுக்கவில்லை  என்கிறார்  கூட்டரசுப்  பிரதேச  அமைச்சர்  தெங்கு  அட்னான்  தெங்கு  மன்சூர்.

கோலாலும்பூரில்  ஒரு  நிகழ்வில்  பேசிய  தெங்கு  அட்னான்  ஒரு  சிறு  கூட்டத்தினர்  நாட்டுக்குக்  குழிபறிக்கிறார்கள்  என்றார்.

“அவர்கள்  பிரதமரைக்  குறை கூறுகிறார்கள். நாட்டைப்  பலவீனப்படுத்த  பலவற்றைக்  கூறுகிறார்கள். அதனால் பொருளாதாரமும்  செலாவணியும்  பாதிப்படைந்துள்ளன.

“ஒரு  சிறு  கூட்டத்தினருக்குத்தான்  நாட்டின்மீது  நம்பிக்கை இல்லாதிருக்கிறது. அவர்கள் பேராசைக்காரர்கள். அவர்கள்  விரும்பியது  அவர்களுக்குக்  கிடைக்கவில்லை.

“ஒருவர்  பிரதமராக  விரும்பினார். நிறைவேறவில்லை. இன்னொருவர், முன்பு  பிரதமராக  இருந்தவர்  ஆனால், இன்று  நாம்  அடைந்துள்ள  வெற்றியைக்  கண்டு  பொறாமைப்படுகிறார்”, என்றாரவர்.