கெடா  அம்னோ  இளைஞர்  தலைவர்  சைபுல்  ஹஸிஸி  சைனல்  அபிடின், லங்காவி அம்னோ மகளிர்  கூட்டத்தில் உறுப்பினர்  ஒருவர்   கட்சித்  தலைவர்  நஜிப்  அப்துல்  ரசாக்கைக்  குறைகூறியது  அதிக  பிரசங்கித்தனமானது  என்றார்.

தொகுதித்  தலைவர்  கூட்டத்தைக்  கட்டுப்பாட்டுக்குள்  கொண்டு  வந்திருக்க  வேண்டும். அவ்வாறு  செய்யாததால்  பேராளர்கள்  விருப்பம்போல்  நடந்துகொள்ளும்  நிலை  உருவானது  என்றவர்  வருத்தப்பட்டார்.

“கட்சித்  தலைவரின்  செயல்  பிடிக்கவில்லை  என்றால்கூட  அதைப்  பொதுமேடையில்  சொல்லி  அவரை  அவமதித்திருக்கக்  கூடாது.

“லங்காவி  அம்னோ  மகளிர்  தொகுதித் தலைவர்  நடவடிக்கை  எடுத்துக்  கூட்டத்தைக்  கட்டுக்குள்  கொண்டு  வந்து  அது ஆத்திரத்தைக்  கொட்டுமிடமாக  மாறுவதைத்  தடுத்திருக்க  வேண்டும்”, என்றவர்  நேற்றிரவு  மலேசியாகினியிடம்  தெரிவித்தார்.