தேர்தல்  கண்காணிப்பு  அமைப்பான பெர்சே,  டட்டாரான்  மெர்டேகாவில்  பெர்சே  4 பேரணி  நடத்தப்படவில்லை  என்பதால்  அதன்   உரிமையாளரின்  அனுமதியைப்  பெற  வேண்டிய  அவசியமில்லை  எனக்  கூறியுள்ளது.

இதை  கோலாலும்பூர்  மாநகர்  மன்றத்திடமும் (டிபிகேஎல்) தெளிவுபடுத்தியிருப்பதாக  பெர்சே  தலைவர்  மரியா  சின்  அப்துல்லா  தெரிவித்தார்.

“நாங்கள்  டட்டாரான்  மெர்டேகாவுக்குள்  நுழையப்  போவதில்லை. அதனால் அனுமதி  பெற  வேண்டியதில்லை. இதைத்  தெளிவுபடுத்தி விட்டோம்”, என  டாங்  வாங்கி  மாவட்ட  போலீஸ்  தலைமையகத்துக்கு  வெளியில்  செய்தியாளர்களிடம்  மரியா  கூறினார்.

முன்னதாக, டாங்  வாங்கி மாவட்ட  போலீஸ்  தலைவர்  சைனோல்  சமா,  பெர்சே 4  பேரணியை  டட்டாரான்  மெர்டேகாவில்  நடத்த  டிபிகேஎல்லின் அனுமதி  பெறப்படவில்லை  என்றும்  அதனால்  அங்கு  அதை  நடத்துவது  சட்டவிரோதமாகும்  என்றும்  சொல்லியிருந்தார்.