எதிர்வரும் ஞாயிற்றுக்கிழமை முன்னாள் பிரதமர் மகாதிர் முகமட் கோலாலம்பூருக்கு வருவார் என்று முன்னாள் சட்டத்துறை அமைச்சர் ஸைட் இப்ராகிம் நம்புகிறார்.

“ஞாயிற்றுக்கிழமை துன் எம் (மகாதிர்) சென்ட்ரல் மார்க்கெட்டிற்கு வருகையளிப்பார் என்று நான் நம்புகிறேன்.

“இடர்பாடுகள் சூழ்ந்துள்ள இந்நேரத்தில் மக்களுடன் கலந்து கொள்வது நாட்டிற்கு நல்லதைச் செய்யும்”, என்று ஸைட் அவரது முகநூலில் எழுதியுள்ளார்.

நாளை தொடங்கி 34 மணி நேரத்திற்கு நடைபெறவிருக்கும் பெர்சே பேரணியில் பல கோரிக்கைகள் முன்வைக்கப்படும், அவற்றில் பிரதமர் நஜிப் பதவி துறக்க வேண்டும் என்ற கோரிக்கையும் அடங்கும்.

பெர்சே பேரணிக்கு மக்கள் கூடவிருக்கும் இடங்களில் சென்ட்ரல் மார்க்கெட்டும் ஒன்றாகும்.

மகாதிர் நாளை பின்னேரத்தில் ஜொகூர், பாசிர் கூடாங்கில் உரையாற்றவிருக்கிறார். “மலேசியா இன்று, நாம் எங்கே சென்று கொண்டிருக்கிறோம்” என்பது அவரது உரையின் கருப்பொருளாகும்.