1எம்டிபி நிறுவனம் அபு டாபியில்  உள்ள  இண்டர்நேசனல்  பெட்ரோலியம்  இன்வெஸ்ட்மெண்ட்  நிறுவனத்துக்கு(ஐபிஐசி)ச்  செலுத்திய  இன்னுமொரு  யுஎஸ்$1 பில்லியனும்  காணாமல்  போயிருப்பதாக வால் ஸ்திரிட்  ஜர்னல் (WSJ)  கூறியுள்ளது.

“எம்டிபி  அபு டாபி  நிறுவனமான  ஐபிஐசிக்கு  அனுப்பியதாகக்  கூறும் $993 மில்லியன்  எங்கே  என  (அபு  டாபி)  அதிகாரிகள்  விசாரணை  செய்கிறார்கள். ஆனால், அதுவும்  காணாமல்  போய்விட்டதுபோல்  தோன்றுவதாக  விசயமறிந்த  வட்டாரங்கள் தெரிவித்தன”, என  அந்த அனைத்துலக  நிதியியல்  நாளேடு  கூறிற்று.

அது  பற்றி  வினவியதற்கு  1எம்டிபி,  ஐபிஐசி  அதிகாரிகள்  கருத்துரைக்க  மறுத்து  விட்டதாக  அது  கூறியது.