புதிதாக  அமைக்கப்பட்டிருக்கும்  எதிரணிக்  கூட்டணியான பக்கத்தான்  ஹராபான்,  அதன்  முதல்  நடவடிக்கையாக  சிறையில்  உள்ள அன்வார்  இப்ராகிம்தான் பிரதமருக்கான  அதன்  வேட்பாளர்  என அறிவித்துள்ளது.

அதாவது,  பொதுத்  தேர்தலில்  அது  வெற்றிபெற்றால்  அன்வார்  பிரதமராவார்.

இதனை  அறிவித்த  நாடாளுமன்ற  எதிரணித்  தலைவர்  டாக்டர்  வான்  அசிசா  வான்  இஸ்மாயில் பிகேஆர்,  டிஏபி,  பார்டி  அமானா  நெகரா(அமானா)  ஆகிய  மூன்றும்  இம்முடிவில்  ஒன்றுபட்டிருப்பதாகக்  கூறினார்..

“பொருளாதார  நெருக்கடியையும்  அரசின்  அத்துமீறல்களையும் சமாளிக்கவும்,  மக்களின்  நல்வாழ்வையும்  இனங்களுக்கிடையில்  ஒற்றுமையையும்  உறுதிப்படுத்தவும்  மிகவும்  தகுதிபடைத்த  தலைவர்  அன்வார்  என்று  நாங்கள்  நம்புகிறோம்”,  என  வான்  அசிசா  செய்தியாளர்  கூட்டத்தில்  கூறினார்.