சுகாதார  அமைச்சு,  முன்னாள்  எதிரணித்  தலைவர்  அன்வார்  இப்ராகிமின் உடல்நலனைப்  பராமரிப்பதற்கு  மேற்கொள்ளப்பட்டிருக்கும்  நடவடிக்கைகளை  விளக்கி  அறிக்கை  ஒன்றை  விடுத்துள்ளது.

அன்வாரின்  குடும்பத்தார்  அவரது  தோள்பட்டை  வலிக்குத்  தகுந்த  சிகிச்சை  அளிக்கப்படாவிட்டால்  சுகாதார  அமைச்சின்  துணைத்  தலைமை  இயக்குனர்  டாக்டர்  ஜெயேந்திரன்  சின்னதுரைமீது  புகார்  செய்யப்போவதாகக்  கூறியதை  அடுத்து  இந்த  அறிக்கை  வெளியிடப்பட்டுள்ளது.

ஜெயேந்திரன்  கோலாலும்பூர்  மருத்துவமனையின்  மூத்த  மருத்துவ  ஆலோசகர். அவரே  அன்வாரின் தோள்பட்டை  வலிக்குச்  சிகிச்சை  அளிக்கும்  நிபுணர்  குழுவின்  தலைவருமாவார்.