டிஏபி  எம்பி  டோனி  புவா  1எம்டிபி  தலைவர்  அருள்  கந்தா  கந்தசாமியுடன்  விவாதமிட  விரும்பினால்  அவர்  பொதுக்  கணக்குக்குழு(பிஏசி)விலிருந்து  விலக  வேண்டும்  என்ற  விதியை  விலக்க  வேண்டும்  என்று  லிம் குவான்  எங்  விடுத்த  வேண்டுகோளை  மக்களவைத்  தலைவர்  பண்டிகார்  அமின்  மூலியா  ஏற்க  மறுத்தார்.

1எம்டிபி  மீதான  பிஏசி  விசாரணை  முடிந்து  அது அறிக்கை வெளியிட்ட  பின்னரே  புவா-அருள்  விவாதத்துக்கு  அனுமதி  அளிக்க  முடியும்  என்றாரவர்.

“விவாதம்  நடப்பதை  நான்  தடுக்கவில்லை. விவாதம்  பிஏசி  அறிக்கை  நாடாளுமன்றத்தில்  தாக்கல்  செய்யப்பட்ட  பின்னர்  நடக்கலாம்  என்றுதான்  சொன்னேன்”, என்றார்.

புவாவுக்கு  பிஏசி  விசாரணைக்குட்பட்ட  விசயங்கள்  பற்றிப்  பேச  மட்டுமே  தடை  விதிக்கப்பட்டிருக்கிறது  என்றும்  பண்டிகார்  விளக்கினார்.

வெள்ளிக்கிழமை  விவாதத்தில்  கலந்துகொள்ளும்  அருள்  கந்தா  பிஏசி  விசாரணையில்  கலந்துகொண்டு  சாட்சியம்  அளிக்க  முடியுமா  என புவா(டிஏபி-  பெட்டாலிங் ஜெயா  உத்தாரா)  அவைத்  தலைவரை  வினவினார்.

“அருள்  அறிக்கை  விடலாமா,  விவாதத்தில்  கலந்துகொள்ளலாமா  என்றால்  பிஏசி-யில்  இல்லாதவர்களுக்கு  எதிராகத்  தடைவிதிக்கும்  அதிகாரம்  எனக்கில்லை”, என  பண்டிகார்  கூறினார்.