போலீஸ் படையினர்  உடலைக்  கட்டு  செட்டாக வைத்துக்கொள்ள  முன்னோடித்  திட்டமொன்று  தொடங்கப்பட்டுள்ளது.

“Trim N Fit” என்று  பெயரிடப்பட்டிருக்கும்  அத்திட்டம் நேற்று  தொடங்கியது.  போலீஸ்  நிர்வாகத் துறையிலிருந்து  “கொழுகொழு”வென்றிருக்கும்  33  அதிகாரிகள்  அத்திட்டத்தில்  கலந்து  கொண்டிருக்கிறார்கள்.

போலீஸ்  அதிகாரிகள்  உடல்  பருமனாக  இருந்தால்  அவர்களுக்குப்  பணி  உயர்வு  கிடைக்காமல்  போகலாம் பதவியில்  நிரந்தரமாக்கப்படாமலும்  போகலாம்  என  புக்கிட்  அமான்  நிர்வாகத்  துறை  இயக்குனர்  சுல்கிப்ளி   அப்துல்லா  கூறியதாக  த  ஸ்டார்  ஆன்லைன்  அறிவித்துள்ளது.

“போலீஸ்  படையினர்  பணியில்  இருக்கும்  காலத்தில்  திடமாக  இருப்பதை  உறுதிப்படுத்தும்  ஒரு  முன்னோடித்  திட்டம்  இது. சட்டத்தை  அமல்படுத்துவதும்  பொது  ஒழுங்கைக்  காப்பதுமே  எங்களின்  முக்கிய  பணி. அதற்கு  எங்கள்  ஆள்கள் எப்போதும்  திடமாக  இருப்பது  அவசியம்”, என்றாரவர்.