தாய் இந்திரா காந்தியின் ஒப்புதல் இன்றி அவரது மூன்று குழந்தைகளை அவரது முன்னாள் கணவர் இஸ்லாத்திற்கு மத மாற்றம் செய்யப்பட்டது சம்பந்தமான வழக்கை நஜிப் தலைமைத்துவத்தின் மாபெரும் அநீதிகளில் ஒன்று என்று டிஎபி மூத்த தலைவர் லிம் கிட் சியாங் வர்ணித்தார்.
இன்று கூடும் அமைச்சரவை 48 மணி நேரத்திற்குள் இந்திரா அவரது மகளுடன் மீண்டும் ஒன்று சேர்வதை பிரதமரும் அவரது அமைச்சரவையும் உறுதி செய்ய வேண்டும் என்று கிட் சியாங் நேற்று சவால் விட்டார்.
“பிரதமர், அமைச்சரவை, நாடாளுமன்றம் மற்றும் நீதித்துறை ஆகிய அனைத்தும் இந்திராவை கைவிட்டு விட்டன. அரசமைப்புச் சட்டம், சட்டங்கள், நீதிமன்றங்கள் மற்றும் ஆட்சி 
அமைவுமுறை ஆகியவை கையாளப்பட்டு தாய் என்ற முறையில் தனது குழந்தையைக் காண்பதற்கும், அணைப்பதற்கும், தொடுவதற்கும் இந்திராவுக்குரிய அடிப்படை உரிமைகள் மறுக்கப்பட்டுள்ளன.
“ஏப்ரல் 2009 இல், மலேசியாவின் ஆறாவது பிரதமராக நஜிப் பதவி ஏற்ற அதே வாரத்தில், இந்திராவின் மூன்று குழந்தைகளையும் அவரது ஒப்புதல் இன்றி முன்னதாகவே இஸ்லாத்திற்கு மதம் மாறிவிட்ட அவரது முன்னாள் கணவர் இஸ்லாத்திற்கு மத மாற்றம் செய்தார்.
“அதிலிருந்து தொடங்கியதுதான் அவருடைய மூன்று குழந்தைகளைக் கட்டுப்படுத்தவும், பராமரிக்கவும் கோரும் இந்திராவின் நீண்ட, இன்னும் முற்றுப் பெறாத சட்டப் போராட்டம்”, என்று லிம் கிட் சியாங் அவரது அறிக்கையில் கூறுகிறார்.
ஒன்று சேர்ப்பது மட்டும்மல்ல தீர்வு. இவ்வாறான பிரச்சனைகள் இனியும் எழாமல் இருக்க சட்டத் திருத்தங்கள் தேவை. அதுவே இறுதியான உறுதியான முடிவாக அமையும்.
உலகில் எந்த ஒரு நாட்டிலுமே இல்லாத இரண்டுவிதமான நீதிமன்றங்கள் இங்கு செயல்படுவதுதான் அதற்கு காரணம்.ஒரு தாயின் உள்ளுணர்வுகளை இந்த இரண்டுவிதமான நீதிமன்றங்களாலும் புரிந்துகொள்ள முடியவில்லை.நீதிமன்றங்களால் மனித நேயம் நசுக்கப்படும்போது அங்கு நீதி தேவதைகளுக்கும் வேலை இல்லாமல் பொய் விடுகிறது.சட்டம் மனிதனால் இயற்றப்பட்டது.அதில் தவறே இருக்காது என்று எப்படி சொல்லமுடியும்? 11 மாத கைக்குழந்தையாக இருக்கும்போது “மத மாற்றம்” என்ற பெயரால் ஒரு இந்து தாயிடம் இருந்து பிரிக்கப்பட்ட அந்தப் பச்சிளம் குழந்தை 7 வருட சட்டப் போராட்டத்துக்குப் பின்னரும் இன்னும் அந்த தாயிடம் ஒப்படைக்க முடியாமல் இந்த இரண்டு விதமான நீதிமன்றங்களின் சட்டங்கள் தடுக்கிறது என்றால் அது யாருடைய குற்றம்? மனிதர்களின் குற்றமா? கடவுளின் குற்றமா? யாருடைய குற்றமாக இருந்தாலும் மனித நேயத்தை குழித் தோண்டி புதைக்கும் எந்த ஒரு சட்டத்தையும் தீர்ப்பையும் மனித இனத்தை சேர்ந்தவர்களால் ஏற்றுக்கொள்ள முடியாது என்பதே உலக நியதி.
MIC புளுகிகள் என்ன செய்கிறார்கள் ?
பொது மக்களுக்கு ஒரு அறிவிப்பு! இந்தியர்களின் நியாயமான உரிமைகளை mic மலாய்காரனிடம் அடகு வைத்து விட்டதால் இனி dap யின் திரு Kit Siang A/L Lim நம் அனைவருக்கும் குரல் கொடுப்பார்!!!
48 மணி நேரத்திற்குள் நஜிப் எதனையும் செய்யாவிட்டால், நீர் என்னதான் கிழிக்கப் போகிறீர்? யாரும் பேசாததையா நீர் பேசி விட்டீர்? நல்லா பேசக் கத்துக்கிட்டீங்க, ஆனால் செயலில் ஒண்ணுத்தையும் காணோம். எதையாவது செய்து தொலையுங்களேன்யா!
நியாமான கருத்துக்கு நியாயமாக பதில் அழிப்பது பிரதமர் அவர்களுக்கு உள்ள கடமை.அணைத்து மலேசியர்களுக்கும் பிரதமர் என்ற முறையில் நியாயமான பதில் வழங்குவீர்கள் என்று அனைவரும் எதிர்பார்க்கிறோம்.
திரு… பிரதமன் ஒன்றும் செய்ய மாட்டன். இது மத வெறியன்களால் நாரடிக்கப்போகிறது வருங்காலத்தில். இப்போது அனுபவிக்கும் சொகுசு வாழ்க்கை தொடரும்- மலாய்க்காரன்களில் எத்தனை பேர் உண்மைக்கு மதிப்புகொடுக்கின்றான்கள்?