சிறார்களை  ஒருதலைப்பட்சமாக  மதமாற்றும்  விவகாரம்  தொடர்பிலான  சட்டங்களை  வரையும்  பணி  முடிவடைந்திருப்பதாக  அமைச்சர்  நன்சி  சுக்ரி  இன்று  நாடாளுமன்றத்தில்  தெரிவித்தார்.

“சிவில்  சட்டம்  தொடர்பில்  பிரச்னை  எதுவுமில்லை. இதில்  ஷியாரியா சட்டமும்  சம்பந்தப்பட்டிருக்கிறது”, என்றாரவர்.

புதிய  சட்டம்  தொடர்பில்,  பிரதமர்துறை  அமைச்சர்  ஜமில்  கீர்  பஹாரோம்,  மாநில  இஸ்லாமிய  அமைப்புகளிடமிருந்து  பின்னூட்டங்களைப்  பெற்று  வருகிறார்.

“மாநிலங்களைச்  சந்தித்து  அவற்றின்  கருத்துகளை  அறியும்  பணி  நடைபெற்று  வருகிறது.

“இப்பிரச்னைக்குத்  தீர்வு  காணும்  பொறுப்பு  என்னுடையது. ஒரு  முஸ்லிமான  நான்,  தனிப்பட்டவர்களின்  நோக்கத்தை  நிறைவேற்றிக்கொள்ள  என்  சமயம்  தவறாகப்  பயன்படுத்திக்  கொள்ளப்படுவதை  விரும்பவில்லை”, என  நன்சி  கூறினார்.