பினாங்கு  தீவில்  பல  இடங்களிலும்  பட்டர்வர்திலும்  செபராங்  பிறையிலும்  டிஏபி  சர்வாதிகாரத்தன்மை  வாய்ந்தது  என்று  குற்றஞ்சாட்டும்  பதாதைகள்  காணப்பட்டுள்ளன.

பதாதைகளில்  டிஏபி  தலைமைச்  செயலாளர்  லிம்  குவான்  எங்கின்  படம்  பொறிக்கப்பட்டு,  “எங்களுக்குச்  சர்வாதிகாரிகள்  தேவையில்லை. பிகேஆர்  டிஏபியுடனும்  பிஎச்(பக்கத்தான்  ஹராபான்)-உடனும்  ஒத்துழைப்பதை  மறுபரிசீலனை  செய்ய  வேண்டும்”  என்று  எழுதப்பட்டிருந்தது.

பதாதைகளில்  “Angkatan Muda Keadilan Pulau Pinang (பினாங்கு பிகேஆர்  இளைஞர்  பிரிவு)” என்று  கையொப்பமிடப்பட்டிருந்தது. .

ஆனால், பினாங்கு  பிகேஆர்  இளைஞர்  பிரிவு  தனக்கும்  அப்பதாதைகளுக்கும்  தொடர்பில்லை  என  அறிக்கை  வெளியிட்டுள்ளது.

பதாதைகள்  பக்கத்தான்  ஹராபான்  பங்காளிக்  கட்சிகளின்  குறிப்பாக  பிகேஆர்,  டிஏபி  ஒத்துழைப்பைக்  கெடுக்கும்  நோக்கம்  கொண்டவை  என்று  அப்பிரிவின்  தலைவர்  அஸ்ரோல்  சானி  அப்துல்  ரசாக்  கூறினார்.