சவூதி  அராபியா  மலேசியப்  பிரதமர்  நஜிப்  அப்துல்  ரசாக்கிடம்  நன்கொடை  வழங்கியது  உண்மைதான்  என்பதை அந்நாட்டு  வெளியுறவு  அமைச்சர்  அதெல்  அல்-ஜுபிர்  இன்று  உறுதிப்படுத்தினார்.

“நன்கொடை  வழங்கப்பட்டதை  அறிவோம். அது  உண்மையிலேயே  ஒரு  நன்கொடைதான்.  எதையும்  எதிர்பார்த்துக்  கொடுக்கப்பட்டதல்ல. அவ்விவகாரத்தைத்  தீர  ஆய்வுசெய்த  சட்டத்துறைத்  தலைவர்  அதில்  குற்றமெதுவும்  நிகழவில்லை  என்ற  முடிவுக்கு  வந்திருப்பதையும்  நாங்கள்  அறிவோம்.

“எனவே,  எங்களைப்  பொருத்தவரை  அது முடிந்துபோன  விவகாரம்”, என அதெல்  நேற்று  இஸ்தான்புல்லில்  மலேசிய   செய்தியாளர்களிடம்  தெரிவித்தார்.

இஸ்மாலிய  ஒத்துழைப்பு  நிறுவனத்தின்  13வது  உச்சநிலை  மாநாட்டில்  கலந்து  கொண்டிருக்கும்   அதெல்,  அதற்கு  முன்னதாக  நஜிப்புடன்  இருதரப்புப்  பேச்சுகளில்  கலந்து  கொண்டார்.