சரவாக்  பிகேஆரும்  டிஏபியும்  மாநிலத்  தேர்தலில்  ஆறு  தொகுதிகளில்  ஒன்றை  எதிர்த்து  மற்றொன்று  போட்டியிடும்  நிலையைத்  தவிர்க்க  பேச்சுகள்  நடத்துவதற்குக்  காலம் கடந்துவிடவில்லை  என்கிறார்   சிறையில்  உள்ள  முன்னாள்  எதிரணித்  தலைவர்  அன்வார்  இப்ராகிம்.

அவை  போட்டியிடும்  தொகுதிகளில்  பக்கத்தான்  ஹராபான்  வெற்றியை  உறுதிப்படுத்த  இரண்டு  கட்சிகளும் இவ்விவகாரம்  குறித்து  விவாதிக்க  வேண்டும்  என்றவர்  வலியுறுத்தினார்.

“(சரவாக்  தேர்தலில் இப்படி ஒரு  நிலை  ஏற்பட்டதற்கு) வருந்துகிறேன்.

“இப்போதைக்கு  பக்கத்தான்  ஹராபான்  வெற்றிக்காக  அவை  பாடுபட  வேண்டும்”, என   ஒரு  வழக்கின்  பொருட்டு  இன்று  நீதிமன்றத்துக்கு   வந்தபோது  அன்வார்  குறிப்பிட்டார்.

“இரண்டும் இப்போதும்கூட  பேசித் தீர்த்துக்கொள்ள  முடியும். அதுதான்  நல்லதும்கூட”, என்றார்.