ஜோகூர்  பட்டத்திளவரசர்  துங்கு  இஸ்மாயில்  சுல்தான் இப்ராகிமை  அவமதிக்கும்  கருத்துகளைப்  பதிவு  செய்த  குற்றத்தை  ஒப்பிய  முகம்மட்  அமிருல்  அஸ்வான்  முகம்மட்  ஷக்ரிக்கு  ஓராண்டுச்  சிறைத்  தண்டனை  விதிக்கப்பட்டது.

ஜோகூர்  செஷன்ஸ்  நீதிமன்றத்தில்  தமக்கெதிராக  வாசிக்கப்பட்ட  குற்றச்சாட்டுகளை  அமிருல்,19, ஒப்புக்கொண்டார்  என  சினார்  ஹரியான்  கூறியது.

அவர்மீது  வாசிக்கப்பட்ட  குற்றப்பத்திரிகையிலிருந்து  கிளந்தானைச்   சேர்ந்த   அமிருல்   முகநூல்  பக்கத்தில்  ‘Miyo Castello’  என்ற  புனைப்பெயரில்   மார்சுக்கும்  ஏப்ரலுக்குமிடையில்   இளவரசரை  அவமதிக்கும்  கருத்துக்ளைப்  பதிவுசெய்ததாக  தெரிகிறது.