மலேசிய போலீஸ் 1எம்டிபி வெளிநாட்டில் உள்ள சாட்சிகளைச் சந்திப்பதற்கு அமெரிக்க உதவியை நாடுவதாகக் கூறப்படுவதை இன்ஸ்பெக்டர்- ஜெனரல் அப் போலீஸ் காலிட் அபு பக்கார் மறுத்தார்.
இதன் தொடர்பில் நேற்று ஊடகங்களில் தவறான செய்திகள் வெளிவந்திருப்பதாக காலிட் கூறினார்.
“அது பொய், அப்படி நான் சொல்லவில்லை…….வெளிநாடுகளில் விசாரணை செய்வதாக இருந்தால் அது எப்படிச் செய்யப்படும் என்பதை விளக்கி இருந்தேன், அவ்வளவுதான்”,என்றாரவர்.
வெளிநாட்டுச் சாட்சிகளிடம் வாக்குமூலம் பதிவு செய்வதாக இருந்தால் அதற்கெனவுள்ள அனைத்துலக நடைமுறைகளும் பரஸ்பர சட்ட உதவிக்கான விதிமுறைகளும் சட்டத்துறைத் தலைவர் அலுவலகத்தின் மேற்பார்வையில் பின்பற்றப்படும் என்று காலிட் நேற்று அறிக்கை ஒன்றில் கூறினார்.
1எம்டிபி மீதான விசாரணையில் போலீஸ் திருப்தி கொள்வதாகவும் இயன்ற விரைவில் அது முடிவுக்கு வரும் என்று நம்புவதாகவும் ஐஜிபி கூறினார்.
விசாரணை இன்னும் முடியவில்லை யாரும் அதன்மீது கருத்துரைக்கக் கூடாது என்று காலிட் வலியுறுத்தினார். அது விசாரணைக்குப் பாதகமாக அமையலாம்.
