மலேசியாவுக்கான   ஸ்ரீலங்கா   தூதர்    இப்ராகிம்   சாஹிப்பைத்   தாக்கியதாக  இன்று  சிப்பாங்  செஷன்ஸ்  நீதிமன்றத்தில்   இருவர்மீது   குற்றம்   சாட்டப்பட்டது.

தமிழில்  வாசிக்கப்பட்ட   குற்றச்சாட்டை   ஒரு  வியாபாரியான   ஏ.கலைமுகிலனும்  டெக்சி   ஓட்டுனரான   வி.பாலமுருகனும்  மறுத்தனர்.

செப்டம்பர்  4  ஞாயிற்றுக்கிழமை ,  பிற்பகல்  மணி   3க்கு   சிப்பாங்கில்  உள்ள  கோலாலும்பூர்   அனைத்துலக   விமான  நிலையத்தில்   அவ்விருவரும்,   இன்னும்  பிடிபடாமலிருக்கும்   மேலும்  நால்வருடன்  சேர்ந்து,  அக்குற்றச்  செயலைச்   செய்ததாகக்    கூறப்பட்டது.

அவ்விருவரும்   ரிம7,000 பிணையில்   விடுவிக்கப்பட்டனர்.  அவர்கள்மீதான  வழக்கு   அக்டோபர்  7-இல்  விசாரணைக்கு  வரும்.