இன்று  காலை   மரணமுற்ற  பாஸ்    ஆன்மிகத்   தலைவர்    ஹருன்   டினின்  மறைவுக்குப்   பிரதமர்   நஜிப்   அப்துல்   ரசாக்   இரங்கல்    தெரிவித்துக்     கொண்டார்.

“நாட்டுக்கு   நிறைய  பங்களிப்புச்   செய்துள்ள,   நான்   மிகவும்  மதிக்கும்   ஒரு இஸ்லாமியத்    தலைவரை  மலேசியா    இழந்து  விட்டது.

“தனிப்பட்ட  முறையில்   நானும்   என்   குடும்பத்தாரும்    நெருக்கமான    நண்பரை   இழந்து   விட்டோம்”,  என  முகநூலில்     நஜிப்   குறிப்பிட்டிருந்தார்.

ஹருன்,   செயிண்ட்   பிரான்சிஸ்கோவின்    ஸ்டேன்போர்ட்    மருத்துவமனையில்   காலமானார்.  அவர்   இருதயக்   கோளாறுகளுக்குச்  சிகிச்சை  பெறுவதற்காக  அம்மருத்துவமனையில்   சேர்க்கப்பட்டிருந்தார்.

இதனிடையே,   பாஸ்   தலைவர்   அப்துல்  ஹாடி    ஆவாங்    கட்சி  சார்பாக  ஹருன்  குடும்பத்தாருக்கு  இரங்கலைத்   தெரிவித்தார்.

ஹருன்   பாஸின்   தொடக்கக்  காலத்   தலைவர்களில்  ஒருவர்  என்றும்    கட்சிக்காகவும்    இஸ்லாத்துக்காகவும்    நிறைய   பங்காற்றியுள்ளார்  என்றும்      அவர்   புகழாரம்   சூட்டினார்.