இன்று    ஒரு    சிறு   கும்பல்    பினாங்கு    கொம்டாரில்   கூடி    பினாங்கு   முதலமைச்சர்   லிம்  குவான்  எங்    பெர்சேக்கு    ஆதரவளிப்பதற்குமுன்   அவரையும்   பினாங்கையும்  சுத்தப்படுத்திக்கொள்ள   வேண்டும்    என  வலியுறுத்தியது.

“பெர்சேயோ  மஞ்சள்  டி- சட்டைகளோ   இனி    தேவையில்லை”,  என  பெர்சத்துவான்   கெபாஜிகான்   இன்சான்   மூலியா  என்ற   என்ஜிஓ-வின்  பிரதிநிதியான    அமினா   அப்துல்லா   கூறினார்.

“எங்கும்   பெர்சே-யையும்   மஞ்சளையும்தான்   பார்த்து   வெறுத்துப்  போயிற்று.  இசி-இல்   சுத்தப்படுத்த   என்ன   இருக்கிறது?

“குவான்  எங்   பினாங்கில்    பெர்சேக்குத்  தலைமை   தாங்குமுன்னர்    தம்மைத்தாமே   சுத்தப்படுத்திக்  கொள்ள   வேண்டும்”,  என   பினாங்கு   பிகேஆர்   மகளிர்  பகுதியின்   முன்னாள்   தலைவரான    அமினா   கூறினார்.

பின்னர்,  அவர்  இரண்டு-பக்க   மகஜர்  ஒன்றையும்  அன்பளிப்பாக   ஒரு  துடைப்பத்தையும்   முதலமைச்சர்  அலுவலக    அதிகாரி  ஒருவரிடம்   ஒப்படைத்தார்.