கடந்த  ஆறாண்டுகளாக   ஆண்டுதோறும்  150  மருத்துவ   நிபுணர்கள்   சுகாதார  அமைச்சிலிருந்து     விலகிக்  கொண்டிருப்பதாக   இன்று   நாடாளுமன்றத்தில்   தெரிவிக்கப்பட்டது.

இவ்வாண்டு  ஜனவரிக்கும்   செப்டம்பருக்குமிடையில்   128   நிபுணர்கள்   வேலையிலிருந்து   விலகியதாகவும்   கடந்த   ஆண்டில்   124  பேர்  விலகிக்  கொண்டார்கள்   என்றும்    சுகாதார   துணை  அமைச்சர்   டாக்டர்   ஹில்மி    யாஹ்யா  கூறினார்.

“அவர்களின்  தொடர்ந்த   வெளியேற்றம்      மருத்துவ  நிபுணர்களின்  எண்ணிக்கை  குறைந்ததற்கு  ஒரு   காரணமாகும்”,  என   இக்மால்   ஹிஷாம்  அப்துல்  அசீசின் (பிஎன் -தானா  மேரா)   கேள்விக்குப்  பதிலளித்தபோது   டாக்டர்  ஹில்மி    கூறினார்.