ஆகக் கடைசியாக வந்துள்ள வாக்காளர் பட்டியல் செகின்சான் சட்டமன்றத் தொகுதியில் உள்ள ஒரு கிராமத்தில் ஒன்பது வீடுகளில் 358 வாக்காளர்கள் தங்கி இருப்பதைக் காட்டுகிறது.
இதைக் கண்டு அதிர்ந்துபோன டிஏபி செகின்சான் சட்டமன்ற உறுப்பினர் இங் சுயி லிம் உடனடியாக அந்த இடத்துக்கு ஓடோடிச் சென்றார்.
“ரிஸாப் சர்பினி ஒரு பாரம்பரிய மலாய் கம்போங். இப்போது அதன் வாக்காளர் எண்ணிக்கை 358. அவர்களில் 232 பேர் கிள்ளான், கோலாலும்பூர், சாபா, சரவாக் ஆகிய இடங்களிலிருந்து வந்துள்ள பல்லினங்களைச் சேர்ந்தவர்கள்”, என அவர் மலேசியாகினியிடம் தெரிவித்தார்.
செகின்சானில் வசிக்காத இவர்கள் அப்பகுதிக்குள் கொண்டுவரப்பட்டுள்ள “ஆவி வாக்காளர்களாக” இருக்குமோ என்றவர் கவலை கொண்டுள்ளார்.
