வட கொரியாவின் உளவு நிறுவனம் ஒன்றுடன் தொடர்பு வைத்துள்ள இரண்டு மலேசிய நிறுவனங்களின் பதிவை இரத்து செய்யும் நடவடிக்கை மேற்கொள்ளப்பட்டிருப்பதாக போலீஸ் படைத் தலைவர் காலிட் அபு பக்கார் கூறினார்.
இண்டர்நேசனல் குளோபல் சிஸ்டம் சென். பெர்ஹாட், இண்டர்நேசனல் கோல்டன் சர்விசஸ் சென். பெர்ஹாட் ஆகியவையே அவ்விரண்டுமாகும்.
அவ்விரண்டுக்கும் கோலாலும்பூர், லிட்டல் இந்தியாவில் அமைந்திருக்கும் வட கொரிய உளவாளிகளால் நடத்தப்படும் குளோகோம் என்ற நிறுவனத்துடன் தொடர்புள்ளதாக ராய்ட்டர்ஸ் செய்தி ஒன்றிலிருந்து தெரிய வந்ததாக காலிட் கூறினார்.
