அம்னோவுக்குத்     திரும்பிவந்த   முன்னாள்  சிலாங்கூர்   மந்திரி  புசார்  முகம்மட்   முகம்மட்  தயிப்புக்குக்  கோலாகலமான   வரவேற்பு   கொடுக்கப்பட்டிருப்பது   உண்மைதான்   என்று  கூறும்  அம்னோ   உச்சமன்ற   உறுப்பினர்   நஸ்ரி  அப்துல்   அசீசுக்கு,   அவர்   அம்னோவில்   என்ன   செய்யப்போகிறார்   என்பது    உறுதியாகத்    தெரியவில்லை .

“அது  எனக்குத்   தெரியாது.  நீங்கள்   அவரிடம்தான்   கேட்க   வேண்டும்”,  என்றார்.

முன்னாள்  தலைவர்கள்   திரும்பி  வந்தாலும்   வராவிட்டாலும்   பிஎன்   அடுத்த   தேர்தலுக்கு   ஆயத்தமாகவே  உள்ளது   என்று   நஸ்ரி  கூறினார்.

“கட்சிக்குப்   பெரும்  புள்ளிகளை  அழைத்துவருவது   முக்கியமல்ல.  மக்களின்  மனத்தைக்  கவர   வேண்டும்.  அதுதான்   முக்கியம்”,  என்றார்.