14 ஆவது பொதுத் தேர்தலில் சிலாங்கூர் மாநிலத்தில் பிஎன் வெற்றி பெற்றால், வாக்களித்தபடி மக்களுக்கு சாமான்கள் வாங்குவதற்கான பிளாஸ்டிக் பைகள் இலவசமாக கொடுக்கப்படும்.

இப்போது மக்கள் சாமான்கள் வாங்கும் போது ஒரு பிளாஸ்டிக் பைக்கு 20 சென் கொடுக்க வேண்டும். மத்தியில் ஆட்சி செய்யும் கூட்டணி ஒரு பிளாஸ்டிக் பைக்கு 20 சென் கொடுக்க வேண்டிய தற்போதைய கட்டாயத்தை முடிவுக்கு கொண்டு வரும் என்று சிலாங்கூர் பிஎன் தகவல் பிரிவுத் தலைவர் சாட்டிம் டிமான் கூறுகிறார்.

இது பிஎன் தேர்தல் அறிக்கையின் ஓர் அங்கமாகும். பிஎன் சிலாங்கூர் மாநிலத்தைக் கைப்பற்றினால், பிளாஸ்டிக் பைக்கு இனிமேல் கட்டணம் இல்லை. இது உங்களுக்கு வேண்டுமா என்று கோலலங்காட், சுங்கை பெலெக் பெர்மனா தோட்டத்தில் நடைபெற்ற ஒரு கலந்துரையாடலில் சாட்டிம் கேட்டார்.