பிகேஆர்   துணைத்   தலைவர்    அஸ்மின்  அலி   இன்று   காலை    சிலாங்கூர்   சுல்தான்   ஷராபுடின்  இட்ரிஸ்  ஷாவை    அவரது   அரண்மனையில்   சென்று  கண்டார்.

இரண்டு    மணி   நேரம்   சுல்தானைச்   சந்தித்த     அஸ்மின்  பிற்பகல்   1.50  வாக்கில்   அரண்மனையிலிருந்து   புறப்பட்டார்.  புறப்படும்போது,  “பின்னர்   அறிக்கை   விடுப்பேன்”,  என்று   சொல்லிச்   சென்றார்.

காலை  11.50க்கு   சிலாங்கூர்   அரண்மனை   வந்தார்    அஸ்மின்.  அவருடன்  சிலாங்கூர்   போலீஸ்   தலைவர்   மஸ்லான்   மன்சூரும்   வந்தார்.

14வது   பொதுத்   தேர்தலில்   சிலாங்கூரில்   பக்கத்தான்  ஹரப்பான்   மிகப்  பெரிய  பெரும்பான்மையில்    வெற்றி   பெற்றதை     அடுத்து   அஸ்மின்    சிலாங்கூர்   சுல்தானைச்   சந்தித்தார்.  ஹரப்பான்  சிலாங்கூரில்  56  இடங்களில்  51  இடங்களை  வென்றது.

அஸ்மின்   மேலும்   ஒரு   தவணை   சிலாங்கூர்   மந்திரி  புசாராக   இருப்பாரா  அல்லது   பக்கத்தான்   கூட்டரசு    அரசாங்கத்தில்   இணைவாரா   என்பது   இப்போதைக்குத்   தெரியவில்லை.

அவர்  ஜிஇ14-இல் ,  கோம்பாக்  நாடாளுமன்றத்   தொகுதியிலும்  புக்கிட்   அந்தாராபங்சா   சட்டமன்றத்   தொகுதியிலும்   போட்டியிட்டார்.  இரண்டிலுமே  வென்றார்.